Foto: sputnik.kz
LRT jelisi stantsiialarynyń temirbetondy negizgi qurylystary 100% aiaqtaldy, dep habarlaidy elorda ákimdiginiń resmi saity CTS-ke silteme jasap.
Atqarylǵan jumystar aiasynda monolitti qańqalar, kótergish arqalyqtar, platformalardyń temirbetondy konstrýktsiialary, rigelder jáne basqa da elementter salyndy. Bul úshin V45 markaly 79 971 tekshe metr beton men 9,59 myń tonna armatýra qoldanyldy.
LRT jelisi kóp deńgeili zaldary men platformalary bar 18 stantsiiadan turady, olar eki túrge bólinedi: jerdegi (11 stantsiia) jáne jer ústi (7 stantsiia).
Jer ústi stantsiialary Syǵanaq kóshesinde (2 stantsiia), Sh. Qaldaiaqov kóshesinde (4 stantsiia) jáne "Nurly jol" temirjol vokzaly aýdanynda (1 stantsiia) ornalasqan stantsiialar jolǵa ortalyqtandyrylǵan ornalasýymen erekshelenedi. Stantsiialarǵa qaýipsiz kirý úshin jerústinen ótetin eki ótkel qarastyrylǵan. Barlyǵy – 14 ótkel.
Biyl № 101 stantsiiasynyń (100% daiyn) qasbet jumystary aiaqtaldy, oǵan 497,51 tonna metall konstrýktsiialaryn ornatý jáne syrtqy panelder men vitrajdardy qaptaý (4 765 m²) kiredi. № 109 jáne № 112 stantsiialarynda 1 210,22 tonna metall konstrýktsiialary ornatyldy.
2025 jyly barlyq stantsiia qurylysy tolyǵymen aiaqtalady dep josparlanyp otyr. Sonyń ishinde qasbetterdiń montajy, jerústinen ótetin ótkelderdiń qurylysy, ishki árleý, jaqyn aýmaqtardy abattandyrý jumystary júrgiziledi.
