Foto: instagram.com/zeineladilet
Erlikpen qaza tapqan Uldana Myrzaýannyń kúieýi, dáriger Ádilet Zeinel Threads jelisindegi paraqshasynda qazaqstandyqtarǵa kórsetken qoldaýy úshin alǵys bildirdi, dep habarlaidy Ult.kz.
Ádilet Zeinel qazaqstandyqtarǵa qoldaý kórsetkeni úshin, jaryna duǵa etkeni úshin alǵys aityp, jazba jariialady. Sondai-aq ol endi jubaiynyń ólimine qatysty is boiynsha tergeýdiń ádil ótýine basa nazar aýdaratynyn atap ótti.
"Eshqandai medal,eshqandai sózder menin júregimniń iesin maǵan qaitaryp bere almaidy. Úiime nur, qut-bereke ákelgen Alla qosqan adal jarymnyń tileýin tilegen barsha qazaq eline alǵysym sheksiz. Osy ýaqytqa deiin Alladan júregimdi aman alyp qalýyn tilep, qasynda barynsha kóp bolyp, duǵa ettim, bárin sabyrǵa saldym. Endigi meniń talabym – sottyń adal ótýi, tergeýdiń adal qaralýy. Qudai qosqan qosaǵymnyń jany tynysh bolýy úshin osyny aiaǵyna deiin alyp barý kerek. Jaýaptylar jazasyn alýy kerek!" - dep jazdy Ádilet Zeinel.
Esterińizge sala keteiik, kúni keshe jaqyndary men astanalyqtar ústine konditsioner qulap, aýrýhanada qaitys bolǵan feldsher Uldana Myrzaýandy aqtyq saparǵa shyǵaryp saldy. Feldsherdiń rýhyna qoshtasý sirenasymen qurmet kórsetildi.
