Astana turǵyny qaladaǵy balabaqshalardyń birinde 6 jasar ulynyń birneshe ret qorlanǵanyn aityp taǵy shaǵymdandy, - dep habarlaidy Tengrinews.kz.
2023 jyldyń qańtarynda Astana turǵyny erekshe balalardy tárbieleitin balabaqshalardyń birinde tárbieshiler balasyn birneshe márte qorlanǵanyn aityp shaǵymdanǵan bolatyn. Ol birneshe márte balasynyń denesi kógergenin baiqaǵan. Alaida, balabaqsha tárbieshileri muny balanyń beiqamdyǵymen bailanystyryp, barlyq balany qaraýǵa ýaqyt jetpeitinin aityp túsindirgen.
Keiin balanyń anasy balabaqshadaǵy beinejazbany teksergennen keiin tárbieshiniń balasyn jii qorlaǵanyn kórip, shoshyp, beinejazbany áleýmettik jelide jariialady. Qazir is 110-bap "Azaptaý" boiynsha tergelip jatyr.
Alaida keshe túnde áiel redaktsiiaǵa taǵy da hat jazǵan. Basqa ortalyqqa aýystyrylǵannan keiin bala taǵy da qorlyq kórgen.
"Áleýmettik qorǵaý basqarmasy balamdy Astana ákimdiginiń nusqaýymen basqa ortalyqqa aýystyrdy. 1 sáýirden bastap jańa ortalyqqa bardyq. 3 mamyrda ótken kúnderdegi beinejazbany qarap shyqqannan keiin bul ortalyqtaǵy mamandardyń da balamdy qorlaǵanyn kórdim", - dep jazdy astanalyq áiel.
Áiel usynǵan beinejazbadan balabaqshadaǵy tárbieshiniń balany basynan uryp, qolyn tartyp, edende súirep, tósekke dóreki laqtyryp jibergeni kórsetilgen. Balanyń denesindegi kóptegen kógergen jerler men syzattar bolǵan oqiǵalardy aiǵaqtaidy.
Zardap shekken balanyń anasy politsiiaǵa aryzdanǵan.
"Memleketten onlain beinejazba engizýdi suraimyn! Jumysta otyrǵan árbir ata-ana balasynyń ne istep jatqanyn kórýi úshin! Balamyzdy kimge senip tapsyramyz? Myna oqiǵamen qalai kúresemiz?", - dep ashýlanady balanyń anasy.
Astana qalasynyń politsiia departamenti Astana turǵynynyń aryz jazǵanyn rastady. Oqiǵa boiynsha Qylmystyq kodekstiń 140-baby 1 Kámeletke tolmaǵan balany tárbieleý jónindegi mindetterdi oryndamaý 1 boiynsha sotaldy tergeý bastalǵan.
