Elordadaǵy №2 kópsalaly oblystyq aýrýhana karantinge jabyldy, dep habarlaidy "Ult aqparat".
«Manas kóshesinde ornalasqan №2 kópsalaly oblystyq aýrýhana karantinge jabyldy. Bir-birimen qarym-qatynasta bolǵan barlyq tulǵalar karantinge jiberildi. Ǵimarat ishine túgel dezinfektsiia jasaldy. Naýqastarǵa kelýge tyiym salyndy», - dedi Nur-Sultan qalasy ákimdiginen.
Buǵan deiin №1 avtobýs parki karantinge jabylǵanyn habarlaǵan bolatynbyz. Avtoparktyń barlyq aýmaǵyna, avtobýstarǵa dezinfektsiia júrgizildi. Bir-birimen bailanysqa túsken adamdar statsionarǵa jatqyzyldy.
Aita keteiik, 28 naýryz saǵat 00.00-den bastap halyq kóp jinalatyn oryndar - saiabaqtar, skverler, jaǵalaýlar, oiyn alańdary jáne t.b. jabylady.
Qoǵamdyq oryndarda 3 adamnan artyq (otbasy múshelerinen basqa) toptasyp jinalýǵa tyiym salynady.
Sondai-aq kámelettik jasqa tolmaǵandardyń úlkendersiz qalada júrýine tyiym salynady.
Azyq-túlik, dári-dármek satyp alý, meditsinalyq qyzmet alýdy jáne jumysqa barýdy qospaǵanda, azamattardyń turǵyn úiden shyǵýy shekteledi.
Osy ýaqytqa deiin elordaǵa kirý jáne shyǵý boiynsha qatań rejimdi buzǵan 60-tan astam adam ákimshilik jaýapkershilikke tartyldy, olardyń 46-sy qamaýǵa alyndy. Budan ózge, TJ rejimin buzǵany úshin 100-den astam adam jaýapkershilikke tartyldy.
