Astana prokýratýrasy «Astana-Energiia» AQ, «Astana-REK» AQ jáne «Astana-Teplotranzit» AQ, «Astanaenergosbyt» JShS monopolisteriniń jylý jáne elektrmen qamtamasyz etý tarifterine tekserý júrgizdi, dep habarlaidy "Ult aqparat" vedomstvonyń baspasóz qyzmetine silteme jasap.
«Atalǵan kompaniialardyń tabiǵi monopoliialar salasynda birqatar zańnamany buzǵany anyqtaldy. Sondai-aq, biýdjet qarjysyn jónsiz paidalanǵan jáne investitsiialyq baǵdarlamalardy oryndamaǵan», - delingen habarlamada.
«Astanaenergosbyt» JShS antimonopoliialyq organmen 1 kVt/saǵatty 11,8 teńgege júzege asyratyn bolyp kelisken. Is júzinde eki ese arzan baǵaǵa satyp alǵan. Sondai-aq, shyǵyndar smetasyn ýákiletti organ bekitken somanyń 5% -nan astamyn oryndamaǵan.
«Astana-Energiia» AQ 2017 jyly 474 mln teńgege shyǵyndar babyn oryndamaǵan. Atalǵan soma tutynýshylarǵa ótemaqy retinde berilýi tiis.
Prokýratýranyń úsh monopoliske shyǵarǵan aktisiniń qorytyndysy boiynsha, 1,2 mlrd teńge somasynda elektr jáne jylý baǵalaryn tómendetetin ýaqytsha ótemdik tarif engizildi.
Qazirgi tańda jylý tarifteri Gkalyna 3016,52 teńgeden 2842,99 teńgege jáne elektr jaryǵy kVt/saǵatyna 14,59 teńgeden 13,89 teńgege tómendedi.
