Astanada qaskói 37 jastaǵy jýrnalist Irina Beketovany óz úiiniń kireberisinde óltirip ketti. Aqparatty elordalyq IID baspasóz qyzmeti rastady, dep jazady sputniknews.kz.
Tragediia jaily áleýmettik jelilerde Liýbov Podoliak habarlady.
"Biz bir joǵary oqý ornyn bitirdik, uzaq jyldar boiy temirjol salasynda birge jumys istedik, bizdiń kenje balalarymyz bir jylda dúniege keldi. Ol jaqsy ana, tereń oily jýrnalist boldy. Ótken aptada jumysyn aýystyrýǵa sheshim qabyldaǵanyn estidim, demalys kúnderi qońyraý shalamyn dep oiladym. Osyndai jas ári aqjarqyn jannyń ómirden ótkeni úshin, onyń tórt balasy jetim qalǵany úshin, óz qalamyzda qorǵansyzdyń kúiin keship otyrǵanymyz úshin kózime jas kelip, kómeiime óksik tyǵyldy", — dep jazdy ol Facebook-te.
Elorda politseileri 34 jastaǵy Astana turǵyny Irina Beketovanyń densaýlyǵyna qasaqana aýyr zardap keltirip, óltirdi degen kúdikke ilingenin habarlady.
Politseiler kúdiktini ustaý sharalaryn qabyldap jatyr. Sotqa deiingi tergeý júrgizilýde.
Irinanyń tórt balasynyń úlkeni múgedek ekeni belgili boldy, kenje egiz balalary endi ǵana úshke tolǵan eken. Qazir Irina Beketovanyń áriptesteri jerleý rásimin uiymdastyrýǵa qarjy jinap jatyr.
