استانادا قاسكٶي 37 جاستاعى جۋرناليست يرينا بەكەتوۆانى ٶز ٷيٸنٸڭ كٸرەبەرٸسٸندە ٶلتٸرٸپ كەتتٸ. اقپاراتتى ەلوردالىق ٸٸد باسپاسٶز قىزمەتٸ راستادى, دەپ جازادى sputniknews.kz.
تراگەدييا جايلى ەلەۋمەتتٸك جەلٸلەردە ليۋبوۆ پودولياك حابارلادى.
"بٸز بٸر جوعارى وقۋ ورنىن بٸتٸردٸك, ۇزاق جىلدار بويى تەمٸرجول سالاسىندا بٸرگە جۇمىس ٸستەدٸك, بٸزدٸڭ كەنجە بالالارىمىز بٸر جىلدا دٷنيەگە كەلدٸ. ول جاقسى انا, تەرەڭ ويلى جۋرناليست بولدى. ٶتكەن اپتادا جۇمىسىن اۋىستىرۋعا شەشٸم قابىلداعانىن ەستٸدٸم, دەمالىس كٷندەرٸ قوڭىراۋ شالامىن دەپ ويلادىم. وسىنداي جاس ەرٸ اقجارقىن جاننىڭ ٶمٸردەن ٶتكەنٸ ٷشٸن, ونىڭ تٶرت بالاسى جەتٸم قالعانى ٷشٸن, ٶز قالامىزدا قورعانسىزدىڭ كٷيٸن كەشٸپ وتىرعانىمىز ٷشٸن كٶزٸمە جاس كەلٸپ, كٶمەيٸمە ٶكسٸك تىعىلدى", — دەپ جازدى ول Facebook-تە.
ەلوردا پوليتسەيلەرٸ 34 جاستاعى استانا تۇرعىنى يرينا بەكەتوۆانىڭ دەنساۋلىعىنا قاساقانا اۋىر زارداپ كەلتٸرٸپ, ٶلتٸردٸ دەگەن كٷدٸككە ٸلٸنگەنٸن حابارلادى.
پوليتسەيلەر كٷدٸكتٸنٸ ۇستاۋ شارالارىن قابىلداپ جاتىر. سوتقا دەيٸنگٸ تەرگەۋ جٷرگٸزٸلۋدە.
يرينانىڭ تٶرت بالاسىنىڭ ٷلكەنٸ مٷگەدەك ەكەنٸ بەلگٸلٸ بولدى, كەنجە ەگٸز بالالارى ەندٸ عانا ٷشكە تولعان ەكەن. قازٸر يرينا بەكەتوۆانىڭ ەرٸپتەستەرٸ جەرلەۋ رەسٸمٸن ۇيىمداستىرۋعا قارجى جيناپ جاتىر.
