Foto: tandret/Freepik
Astanada jeńil kólik júrgizýshisi mektep mańynda kámeletke tolmaǵan jasóspirimdi qaǵyp, oqiǵa ornynan qashyp ketken, - dep habarlaidy Tengrinews.kz saity.
Oqiǵa týraly habarlama astanalyqtar chatynda tarap ketti. Aqparatta jasóspirimniń ata-anasy oqiǵanyń kýágerlerin izdep jatqany týraly aitylǵan.
PD málimetinshe, oqiǵa 28 tamyzda saǵat 14:03 shamasynda №88 mektep-litseiiniń janynda bolǵan.
"Júrgizýshi № 88 mektep-litseiiniń kólik turaǵy aýmaǵynda E-321 kóshesimen kele jatyp, joldyń ońnan solǵa qarai baǵytynda ótip bara jatqan 2008 jyly týǵan kámeletke tolmaǵan jaiaý júrginshini qaqqan. Jol-kólik oqiǵasynan keiin júrgizýshi oqiǵa ornynan qashyp ketken", - dep habarlady politsiianyń baspasóz qyzmeti.
Jol-kólik oqiǵasy saldarynan kámeletke tolmaǵan jaiaý júrginshi zardap shegip, Astananyń №2 kópsalaly qalalyq balalar aýrýhanasyna jetkizilip, dárigerlerdiń qaraýynan keiin shyǵarylǵan.
"Tekserý barysynda politsiia qyzmetkerleri 1972 jyly týǵan júrgizýshini ustady. Toyota Camry avtokóligi Astana kommýnaldyq turaǵyna qoiyldy. Qazirgi ýaqytta kýágerlerdi anyqtaý jáne saýalnama júrgizilip jatyr", - dep tolyqtyrdy quqyq qorǵaý organdary.
