Memleket basshysynyń tapsyrmasymen Astana qalasy ákimi Áset Isekeshev qalalyq qyzmetterdiń igerilmegen jer ýchaskelerin memleket menshigine qaitarý, ruqsat etilmegen qoqys oryndaryn boldyrmaý jáne qurylys alańdaryndaǵy qoqysty ýaqytyly shyǵarý máseleleri jónindegi is-qimyldar josparyn bekitti, - dep habarlaidy Ult.kz tilshisi elorda saityna silteme jasap.
Bekitilgen is-sharalar aiasynda elorda ákimdiginde Astana qalasy ákiminiń birinshi orynbasary Sergei Horoshýnnyń tóraǵalyǵymen otyrys ótti, oǵan igerilmeitin jer ýchaskesiniń 400 jýyq iesi qatysty.
Elorda basshysynyń birinshi orynbasary Sergei Horoshýnnyń aitýynsha, eskertý jasalǵannan keiin bir jyldyń ishinde igerilmegen jer ýchaskeleri boiynsha sotqa májbúrli túrde alý boiynsha talap-aryz usynylady.
2012-2016 jj elorda ákimdigi prokýratýra organdarymen birge qala aýmaǵyndaǵy igerilmeitin jalpy aýdany 16 myń ga 1084 jer ýchaskesi anyqtaldy. Sonyń ishinde qabyldanǵan sharalardyń nátijesinde jalpy aýdany 6 myń ga 265 igerilmeitin jer ýchaskesi (sonyń ishinde: jalpy aýdany 5,2 myń ga 88 aýyl sharýashylyq maqsattaǵy jer ýchaskesi, aýdany 0,8 myń ga 177 kommertsiialyq nysan) memleketke qaitaryldy.
Buǵan deiin paidalanylmai kelgen aýdany 4,4 ga jer ýchaskesi (sonyń ishinde: aýdany 4 myń ga aýyl sharýashylyq maqsattaǵy 54 jer ýchaskesi, aýdany 0,4 myń ga 286 kommertsiialyq nysan) igerile bastady.
Sondai-aq, aýdany 5,6 myń ga 479 jer ýchaskesi boiynsha paidalanylmaityn jer ýchaskelerin qaitarýdy qamtamasyz etý boiynsha Jol kartasy ázirlendi. Qujat aiasynda barlyq paidalanylmatyn jerlerdiń ielerine bir jyldyń ishinde jerdi maqsatty paidalaný qajettiligi týraly uiǵarym berildi.
Sonymen qatar, qurylys alańdaryndaǵy qoqysty ýaqytyly shyǵarý jáne ruqsat etilmegen qoqys oryndaryn boldyrmaý boiynsha máseleler ákimdiktiń erekshe baqylaýyna alyndy. Salýshylar men igerilmegen jer ýchaskeleriniń ielerine eki aptanyń ishinde aýmaqtaǵy qoqysty arnaiy qalalyq poligonǵa shyǵarý týraly eskertý jasaldy.
Aita keteiik, QR Jer kodeksiniń 94-b. Normasynyń talaptaryna sáikes, igerilmeitin jer ýchaskeleri sot sheshimimen alynady jáne sot oryndaýshylarymen saýdaǵa (aýktsionǵa) shyǵarylady. Qazirgi tańda aýdany 69,3 ga 33 jer ýchaskesin májbúrli túrde memleket menshigine qaitarý týraly shaǵym qanaǵattandyryldy. Osy baǵyttaǵy jumystar jalǵasýda jáne turaqty baqylaýǵa alyndy.
