Foto: gov.kz
Astanada Uly Otan soǵysynyń 10 ardageri turady. Jeńis kúnine orai olardyń árqaisy 1,5 million teńgeden alady, - dep habarlaidy "Ult aqparat" qalalyq ákimdik saityna silteme jasap.
Elordada turatyn Uly Otan soǵysynyń 10 ardageriniń eń úlkeni – 103 jasta, al kishisi – 97 jasta. Biyl Jeńis kúnine orai olardyń árqaisyna 1,5 million teńge tóleý týraly sheshim qabyldanǵan.
"ChAES qatysýshylary men múgedekterinen bólek, jeńildikter boiynsha Uly Otan soǵysynyń ardagerlerine teńestirilgen 436 adam 120 750 teńgeden alady. Olardyń qatarynda UOS kezeńinde qyzmet etken 13 áskeri qyzmetshi, fashistik Germaniiaǵa qarsy is-qimyldarǵa qatysqan jandar, Leningradta blokada kezeńinde eńbek etken azamattar, kontslagerlerdiń kámeletke tolmaǵan tutqyndary, múgedek bolǵan áskeri qyzmetshiler bar.
Ózge memleketterdiń aýmaǵynda bolǵan áskeri is-qimyldardyń ardagerlerine (Aýǵanstandaǵy áskeri is-qimyldan basqa) - tájik-aýǵan ýchaskesinde, Iraktaǵy halyqaralyq bitimgershilik operatsiiasynda, Taýly Qarabaqta etnosaralyq qaqtyǵysty retteýge qatysqan mindetterdi oryndaǵan áskeri qyzmetshilerge 35 AEK (120 750 teńge) mólsherinde tólemder kózdelgen. Elordada 899 adam bar.
Tyl eńbekkerleri, qaza tapqan áskeri qyzmetshilerdiń otbasylary, qaitys bolǵan UOS múgedekteriniń jubailary 9 mamyrǵa deiin 11 AEK (37 950 teńge) mólsherinde tólem alady", - delingen habarlamada.
