فوتو: gov.kz
استانادا ۇلى وتان سوعىسىنىڭ 10 ارداگەرٸ تۇرادى. جەڭٸس كٷنٸنە وراي ولاردىڭ ەرقايسى 1,5 ميلليون تەڭگەدەن الادى, - دەپ حابارلايدى "ۇلت اقپارات" قالالىق ەكٸمدٸك سايتىنا سٸلتەمە جاساپ.
ەلوردادا تۇراتىن ۇلى وتان سوعىسىنىڭ 10 ارداگەرٸنٸڭ ەڭ ٷلكەنٸ – 103 جاستا, ال كٸشٸسٸ – 97 جاستا. بيىل جەڭٸس كٷنٸنە وراي ولاردىڭ ەرقايسىنا 1,5 ميلليون تەڭگە تٶلەۋ تۋرالى شەشٸم قابىلدانعان.
"چاەس قاتىسۋشىلارى مەن مٷگەدەكتەرٸنەن بٶلەك, جەڭٸلدٸكتەر بويىنشا ۇلى وتان سوعىسىنىڭ ارداگەرلەرٸنە تەڭەستٸرٸلگەن 436 ادام 120 750 تەڭگەدەن الادى. ولاردىڭ قاتارىندا ۇوس كەزەڭٸندە قىزمەت ەتكەن 13 ەسكەري قىزمەتشٸ, فاشيستٸك گەرمانيياعا قارسى ٸس-قيمىلدارعا قاتىسقان جاندار, لەنينگرادتا بلوكادا كەزەڭٸندە ەڭبەك ەتكەن ازاماتتار, كونتسلاگەرلەردٸڭ كەمەلەتكە تولماعان تۇتقىندارى, مٷگەدەك بولعان ەسكەري قىزمەتشٸلەر بار.
ٶزگە مەملەكەتتەردٸڭ اۋماعىندا بولعان ەسكەري ٸس-قيمىلداردىڭ ارداگەرلەرٸنە (اۋعانستانداعى ەسكەري ٸس-قيمىلدان باسقا) - تەجٸك-اۋعان ۋچاسكەسٸندە, يراكتاعى حالىقارالىق بٸتٸمگەرشٸلٸك وپەراتسيياسىندا, تاۋلى قاراباقتا ەتنوسارالىق قاقتىعىستى رەتتەۋگە قاتىسقان مٸندەتتەردٸ ورىنداعان ەسكەري قىزمەتشٸلەرگە 35 اەك (120 750 تەڭگە) مٶلشەرٸندە تٶلەمدەر كٶزدەلگەن. ەلوردادا 899 ادام بار.
تىل ەڭبەككەرلەرٸ, قازا تاپقان ەسكەري قىزمەتشٸلەردٸڭ وتباسىلارى, قايتىس بولعان ۇوس مٷگەدەكتەرٸنٸڭ جۇبايلارى 9 مامىرعا دەيٸن 11 اەك (37 950 تەڭگە) مٶلشەرٸندە تٶلەم الادى", - دەلٸنگەن حابارلامادا.
