Sýret: 24.kz
Astanada jalpy aýdany 150 sharshy metr bolatyn jataqhana órtendi. Bul týraly elordalyq TJD baspasóz qyzmeti habarlady.
«16 jeltoqsan saǵat 13:44-te Astana qalasy tótenshe jaǵdai departamentiniń órt sóndirý bólimsheleri Almaty aýdany Balqantaý kóshesi, 137 mekenjaiyna bardy. Qutqarýshylar oqiǵa ornyna 4 minýtta jetti jáne eki qabatty kottedjdiń jataqhana retinde qaita jabdyqtalǵanyn anyqtady. Onda jalpy aýdany 150 sharshy metr bolatyn shatyr men úi tóbesi órtengen.
Órtti sóndirýge 20 adam men 4 tehnika jumyldyryldy. Olar tilsiz jaýdy saǵat 14:27-de óshirdi», - delingen habarlamada.
Saldarynan 1971 jyly jáne 1994 jyly týǵan eki adam kómirtegi totyǵymen ýlanyp, aýrýhanaǵa jetkizilgen.
