Elordada Sádýaqasov kóshesi, 18/1 mekenjaiynda ornalasqan jataqhana karantinge jabyldy, dep habarlaidy "Ult aqparat".
Qala ákimdiginen málim etkendei, infektsiiany juqtyrǵan patsient statsionarǵa ornalastyryldy.
«Onymen bailanysta bolǵan adamdar anyqtaldy. Jataqhanaǵa barýǵa tyiym salynady. Dezinfektsiia júrgizildi», - delingen aqparatta.
Eske salaiyq, Nur-Sultanda buǵan №2 kópsalaly oblystyq aýrýhana, №1 avtobýs parki, «Meiirim» meditsinalyq ortalyǵy men Kerei, Jánibek handar kóshesinde ornalasqan Ulttyq ǵylymi onkologiia ortalyǵy karantinge jabylǵan bolatyn.
Qazaqstanda koronavirýs juqtyrǵandar sany 271-ge jetti. Onyń ishinde elordadaǵy naýqastar sany – 166.
Indetten 18 adam jazylyp shyqty. Onyń 13-i elordada emdeldi.
