ەلوردادا سەدۋاقاسوۆ كٶشەسٸ, 18/1 مەكەنجايىندا ورنالاسقان جاتاقحانا كارانتينگە جابىلدى, دەپ حابارلايدى "ۇلت اقپارات".
قالا ەكٸمدٸگٸنەن مەلٸم ەتكەندەي, ينفەكتسييانى جۇقتىرعان پاتسيەنت ستاتسيونارعا ورنالاستىرىلدى.
«ونىمەن بايلانىستا بولعان ادامدار انىقتالدى. جاتاقحاناعا بارۋعا تىيىم سالىنادى. دەزينفەكتسييا جٷرگٸزٸلدٸ», - دەلٸنگەن اقپاراتتا.
ەسكە سالايىق, نۇر-سۇلتاندا بۇعان №2 كٶپسالالى وبلىستىق اۋرۋحانا, №1 اۆتوبۋس پاركٸ, «مەيٸرٸم» مەديتسينالىق ورتالىعى مەن كەرەي, جەنٸبەك حاندار كٶشەسٸندە ورنالاسقان ۇلتتىق عىلىمي ونكولوگييا ورتالىعى كارانتينگە جابىلعان بولاتىن.
قازاقستاندا كوروناۆيرۋس جۇقتىرعاندار سانى 271-گە جەتتٸ. ونىڭ ٸشٸندە ەلورداداعى ناۋقاستار سانى – 166.
ٸندەتتەن 18 ادام جازىلىپ شىقتى. ونىڭ 13-ٸ ەلوردادا ەمدەلدٸ.
