Astanada jalǵan dinderdiń músheleri anyqtalyp, ońaltýǵa jiberiledi, - dep habarlaidy "Ult aqparat" Astana ákimdiginiń saityna silteme jasap.
Ákimdiktegilerdiń málimetinshe, búgin memorgan qyzmetkerleri úshin "Jalǵan dinder aǵymynyń ókilderimen tiimdi jumys júrgizýdiń negizderi" atty seminar bolyp ótti. Seminar barysynda "Kontr - terroristik komitet" RQB basshysy Amanjol Orazbaev destrýktivti dini birlestikterdiń múshelerin anyqtaý, esepke qoiý jáne ońaltýdaǵy josparlaryn aitty. Bul Qoǵamdyq damý ministrligi, ÚEU jáne Astana ákimdigimen birlesip jasalyp jatqan jumys.
"Ótken jyly Qazaqstan musylmandary rýhani basqarmasynyń esebi boiynsha dástúrli islamǵa destrýktivti dini aǵymnyń 940 múshesi qaitarylǵan. Biraq ókinishke qarai ony rastaityn qujat joq. Biz qazir osy jumysty destrýktivti dini birlestikkke tartylǵandardyń árbirin rastaityn baza jasaǵymyz keledi. Onda biz qujat arqyly ol adamnyń dini atribýttar taǵynyp júrse de dástúrli islamnyń ókili ekenin dáleldei alamyz. Barlyǵyna bir ólshemmen qaraýǵa bolmaidy. Shyn mánisinde kóbisi kádimgi dini kiinip júretin musylmandar", - dedi "Kontr - terroristik komitet" RQB basshysy Amanjol Orazbaev.
Odan basqa, "Kontr - terroristik komiteti" RQB basshysy dinge tartýdyń joldary týraly da aityp berdi. Negizinen, ol tanymal messendjer men saittar arqyly júrgiziledi.
"Áleýmettik jeli arqyly aqparatty taratady. Jastar men tájiribesi joq adamdar árine osy nasihatqa eltip, ońai beriledi", - dep jalǵastyrdy ol. Bizde Qazaqstan boiynsha qazirgi tańda aqparattyq-túsindirý jumystary jaqsy jolǵa qoiylǵan. Osy jumysty da qatar damytý kerek", - dedi Amanjol Orazbaev.
Sonymen qatar, seminarda jalǵan dini aǵymnyń ókilderimen tiimdi jumys jasaýdy arttyrýǵa baǵyttalǵan mehanizmderdiń barysy talqylandy.
