Astanadaǵy Triatlon saiabaǵy aýmaǵynda qurǵaq shópti órtedi degen kúdikpen kámeletke tolmaǵandardyń jeke basy anyqtaldy, dep habarlaidy ult.kz.
Kýágerlerdiń aitýynsha, tańerteń erte saiabaqta eresekterdiń qaraýynsyz júrgen tórt jasóspirim qurǵaq shópke ot qoiǵan. Órt der kezinde oqshaýlanyp, saldarynan eshkim zardap shekpegen.
Astana qalalyq politsiia departamentiniń málimetinshe, bótenniń múlkin qasaqana joiý faktisi boiynsha qylmystyq is qozǵaldy.
Sondai-aq kámeletke tolmaǵandardyń zańdy ókilderi balalardy tárbieleý jónindegi mindetterin tiisinshe oryndamaǵany úshin jaýapkershilikke tartylatyn bolady.
Qazirgi ýaqytta oqiǵanyń barlyq mán-jaiyn anyqtaýǵa baǵyttalǵan tergeý amaldary júrgizilip jatyr.
