Foto: Astana qalasynyń ákimdigi
Astanada 76 qurylys nysanynda ereje buzylǵandyqtan jumys toqtatyldy, - dep habarlaidy elorda ákimdiginiń baspasóz qyzmeti.
Qazirgi ýaqytta ruqsat qujattarynsyz qurylysy júrip jatqan 76 nysan anyqtalǵany aityldy.
"Olardyń qatarynda: "Mars Project" JShS, "Aiz Kurylys" JShS, "Rýsalding Line" JShS, "Bilding kompani" JShS, "Expert Consulting Agency Kazakhstan" JShS, "Taýekel Injiniring" JShS, "Global Millennium" JShS, "Handan-Astana" JShS, "Oreol-Group" jáne t.b.
Ruqsat qujattarynsyz qurylys júrgizetin sýbektilerdiń bárine jumysyn toqtatý týraly nusqama beriledi ári ákimshilik jaýapkershilikke tartyldy. Sondai-aq, tiisti jer quqyǵynsyz qurylysy júrip jatqan 20 nysan (76 nysannyń ishinde) boiynsha sot organdaryna demontajdaý boiynsha talap aryzdar beriledi", - delingen habarlamada.
Sondai-aq, qalada "Turǵyn úi qurylysyna úlestik qatysý týraly" QR Zańynyń talaptaryn saqtaý boiynsha birqatar túitkildi másele bar. Sonymen qatar, qala turǵyndaryn aqparattandyrý jáne zańnyń buzylýyna jol bermeý maqsatynda ákimdiktiń resmi resýrstarynda jáne BAQ-ta úleskerlerdiń aqshasyn qabyldaýǵa quqyǵy joq qurylys salýshylardyń "qara tizimi" júieli túrde jariialanyp turatyny aityldy.
Qurylys kompaniialary úleskerlerdiń qarajatyn mynadai jaǵdailarda ǵana qabyldai alady:
- turǵyn úi qurylysynyń biryńǵai operatorynyń kepildigin alý;
- Ekinshi deńgeili banktiń jobasyna qatysý;
- turǵyn úidiń (turǵyn ǵimarattyń) qańqasy salynǵannan keiin úleskerlerdiń aqshasyn tartý.
Eger qoldanystaǵy zańdy buza otyryp, sizben mámile jasalǵan jaǵdaida, "Astana qalasy qalalyq ortanyń baqylaý jáne sapa basqarmasy" MM ýákiletti organyna habarlasý suralady.
