Nur-Sultan qalasynyń ákimi Altai Kólginov Instagram paraqshasynda kezekte turǵan turǵyndarǵa páter kilti tabystalǵanyn málim etti, dep habarlaidy QazAqparat.
Bul jaiynda qala basshysy Alta Kólginov Instagram paraqshasynda málim etti.
«Jańa jyldy qala turǵyndarynyń bir bóligi kópten kútken páterinde qarsy alady. Búgin jyldar boiy kezekte turǵan elordalyqtarǵa páter kilti tabystaldy. Olardyń arasynda jetim balalar, erekshe qajettiligi bar balalardy tárbielep otyrǵan otbasylar, múgedekter, tolyq emes otbasylar, zeinetkerler jáne t.b. bar.
Turǵyn úi kesheni Almaty aýdanynda ornalasqan (Sh.Qudaiberdiuly kóshesi). Kezekte turǵan 200-ge jýyq otbasyǵa atalǵan turǵyn úiden páter berildi. Kóktemde aýmaǵyn abattandyryp, aǵash otyrǵyzamyz. Osy aida kezekte turǵan 2 myńnan astam otbasy áleýmettik páterdiń kiltin aldy», - dep jazdy Altai Kólginov.
Memleket basshysynyń tapsyrmasy boiynsha biyl qoljetimdi jeńildikpen beriletin turǵyn úi sany 10 myń áleýmettik páterge deiin ulǵaidy.
Sońǵy 3 jyldyń ózinde qoljetimdi jeńildikti turǵyn úi sany 5,5 esege artty.
Mysaly, 2018 jyly 1800 páter, 2019 jyly 2 900 páter salynsa, 2020 jyly 7 myńnan astam qoldanysqa berildi. Bul kórsetkish aldaǵy jyldary da saqtalmaq.
«Jańa 2022 jyly taǵy da 10 myń áleýmettik páter salamyz. Daiyndyq jumystary bastaldy.
Sonymen qatar, Elbasynyń bastamasymen qolǵa alynǵan «Jumys isteitin jastarǵa jalǵa beriletin turǵyn úi» baǵdarlamasyn jalǵastyramyz, biyl da jastarǵa arnalǵan «Elorda Jastary» arnaiy turǵyn úi baǵdarlamasyn iske qostyq.
Qonys toi qutty bolsyn! Árbir otbasyǵa amandyq tileimin!» - dep túiindedi sózin ákim.
