نۇر-سۇلتان قالاسىنىڭ ەكٸمٸ التاي كٶلگٸنوۆ Instagram پاراقشاسىندا كەزەكتە تۇرعان تۇرعىندارعا پەتەر كٸلتٸ تابىستالعانىن مەلٸم ەتتٸ, دەپ حابارلايدى قازاقپارات.
بۇل جايىندا قالا باسشىسى التا كٶلگٸنوۆ Instagram پاراقشاسىندا مەلٸم ەتتٸ.
«جاڭا جىلدى قالا تۇرعىندارىنىڭ بٸر بٶلٸگٸ كٶپتەن كٷتكەن پەتەرٸندە قارسى الادى. بٷگٸن جىلدار بويى كەزەكتە تۇرعان ەلوردالىقتارعا پەتەر كٸلتٸ تابىستالدى. ولاردىڭ اراسىندا جەتٸم بالالار, ەرەكشە قاجەتتٸلٸگٸ بار بالالاردى تەربيەلەپ وتىرعان وتباسىلار, مٷگەدەكتەر, تولىق ەمەس وتباسىلار, زەينەتكەرلەر جەنە ت.ب. بار.
تۇرعىن ٷي كەشەنٸ الماتى اۋدانىندا ورنالاسقان (ش.قۇدايبەردٸۇلى كٶشەسٸ). كەزەكتە تۇرعان 200-گە جۋىق وتباسىعا اتالعان تۇرعىن ٷيدەن پەتەر بەرٸلدٸ. كٶكتەمدە اۋماعىن اباتتاندىرىپ, اعاش وتىرعىزامىز. وسى ايدا كەزەكتە تۇرعان 2 مىڭنان استام وتباسى ەلەۋمەتتٸك پەتەردٸڭ كٸلتٸن الدى», - دەپ جازدى التاي كٶلگٸنوۆ.
مەملەكەت باسشىسىنىڭ تاپسىرماسى بويىنشا بيىل قولجەتٸمدٸ جەڭٸلدٸكپەن بەرٸلەتٸن تۇرعىن ٷي سانى 10 مىڭ ەلەۋمەتتٸك پەتەرگە دەيٸن ۇلعايدى.
سوڭعى 3 جىلدىڭ ٶزٸندە قولجەتٸمدٸ جەڭٸلدٸكتٸ تۇرعىن ٷي سانى 5,5 ەسەگە ارتتى.
مىسالى, 2018 جىلى 1800 پەتەر, 2019 جىلى 2 900 پەتەر سالىنسا, 2020 جىلى 7 مىڭنان استام قولدانىسقا بەرٸلدٸ. بۇل كٶرسەتكٸش الداعى جىلدارى دا ساقتالماق.
«جاڭا 2022 جىلى تاعى دا 10 مىڭ ەلەۋمەتتٸك پەتەر سالامىز. دايىندىق جۇمىستارى باستالدى.
سونىمەن قاتار, ەلباسىنىڭ باستاماسىمەن قولعا الىنعان «جۇمىس ٸستەيتٸن جاستارعا جالعا بەرٸلەتٸن تۇرعىن ٷي» باعدارلاماسىن جالعاستىرامىز, بيىل دا جاستارعا ارنالعان «Elorda Jastary» ارنايى تۇرعىن ٷي باعدارلاماسىن ٸسكە قوستىق.
قونىس توي قۇتتى بولسىن! ەربٸر وتباسىعا اماندىق تٸلەيمٸن!» - دەپ تٷيٸندەدٸ سٶزٸن ەكٸم.
