2018 jyly Astanada Uly Otan soǵysynyń ardagerleri 551 myń 135 teńgeden alady. Bul týraly Elordanyń Jumyspen qamtý, eńbek jáne áleýmettik qorǵaý basqarmasynyń jetekshisi Ermek Ospanov málimdedi, - dep habarlaidy Tengrinews.kz.
"Astana máslihatynyń 2017 jyldyń 12 jeltoqsanynda bekitilgen kómekke zárý azamattardyń belgili sanatyna áleýmettik kómek kórsetý erejelerine sáikes, 9 mamyrǵa UOS argerleri men múgedekterine 67 AEK, 161 myń 135 teńge áleýmettik kómek retinde beriledi", - deidi basqarma jetekshisi máslihat sesiiasynda.
"Biyl Jeńis kúnine Astanadaǵy 95 UOS ardageri men múgedekterine 350 myń teńgeden tóleý úshin jergilikti biýdjetten qosymsha 33 million 250 myń teńge bólý josparlanǵan. Osylaisha, bul jobany Astana máslihaty maquldaǵan jaǵdaida, Astanadaǵy ardagerler men múgedekter 511 myń 135 teńgeden alady", - deidi Ospanov.
Onyń sózinshe, bul tólemder 1 mamyrǵa jeiin jasalady. Qalalyq máslihat depýtattary bul jobany maquldady.
"Máslihat sheshimi kúshine engen soń, barlyǵynyń densaýlyq jaǵdaiyn taǵy bir tekserip shyǵamyz, bul eki-úsh saǵattyń jumysy.
Aqsha tek ardagerlerdiń atyndaǵy kartalarǵa aýdarylady", - dep túsindirdi basqarma basshysy. Ol byltyr 9 mamyrda Astanada 163 ardager bolǵanyn aita ketti.
