Foto: Viktor Fediýnin / Kazinform
Astanada Ulttyq dombyra kúnine arnalǵan «Altyn dombyra» óner mektebiniń «Jastar» saraiymen birlesken gala kontserti ótedi.
Is-sharanyń maqsaty – jas urpaqtyń shyǵarmashylyq qabiletin ósire otyryp, otansúigishtikke baýlý, ulttyq qundylyqtardy qurmetteitin, óresi biik urpaq tárbieleý. Ónerge beiimdeý arqyly ásemdik álemin tanytý, ónerge degen súiispenshiligin, ynta-yqylasyn arttyrý.
Uiymdastyrýshylar kelýshilerge arnap jaryqtandyrý, LED ekranda altyn dombyranyń beine rolikterin ázirlep otyr, sol siiaqty jandy daýysta aspaptyq súiemeldeý (bend) ótedi.
Keshte Daryn memlekettik syilyǵynyń iegeri, ánshi Ibragim Eskendir, Mádi Syzdyqov, «Altyn dombyra» ulttyq óner mektebiniń ulaǵatty ustazdary men ónerli shákirtteri, «Jastar» saraiynyń «Astana» estradalyq-simfoniia orkestri óner kórsetedi.
Gala kontsertte qazaqtyń dástúrli ánderi men kúileri oryndalady.
Aita ketelik Astanada búgin otshashý bolady.
