.jpeg)
7 shildede "Dombyra kúni - ulttyń úni" atty merekelik kontsert ótti, - dep habarlaidy "Ult Aqparat".
Sharany Qazaqstan jastarynyń Kongresi ZTB shilde aiynyń alǵashqy jeksenbisine sai kelgen Ulttyq dombyra kúnine orai Astana qalasy, Saryarqa aýdany ákimdiginiń qoldaýymen uiymdastyryp otyr eken.
Qazaqstan jastarynyń Kongresi atqarýshy direktory Baqdáýlet Jandildaev sharanyń maqsaty Astana turǵyndaryna tól ónerimizdi nasihattaý ekenin jetkizdi.
"Dombyra kúnine orai elorda turǵyndaryna kóterińki kóńil kúi syilaý maqsatynda "Dombyra kúni - ulttyń úni" atty merekelik kontsert uiymdastyryp jatyrmyz. Bul kontsert dombyranyń qundylyǵy týraly jáne ózimizdiń tól ónerimizdi Astana turǵyndaryna pash etý maqsatynda ótkizilýde. Bul jerde jas ónerpazdar, kásibi jáne kásibi emes ónerpazdar óz ónerlerin kórsetip jatyr. Sondai-aq qala turǵyndary arasynda ár túrli dombyra týraly jáne ulttyq salt-dástúrimiz týraly suraqtar qoiylyp, olarǵa syilyqtar úlestiriletin bolady. Tórt saǵattyq mádeni baǵdarlama barysynda dombyrashylar sherýi boldy. Bizdiń basty maqsat – dombyrany jáne salt-dástúrimizdi nasihattaý", - dedi ol.
Baqdáýlet Jandildaevtyń sózinshe mundai shara buryn ár túrli masshtabta, ár túrli formatta ótkizilgen.
"Biylǵy jyly elorda turǵyndary kóp shoǵyrlanǵan qoǵamdyq orynda ótkizilip jatyr", - dedi B. Jandildaev.
Shara Astana qalasynda Kenesary hannyń eskertkishi janynda, Esil ózeniniń jaǵasynda ótkizildi.
Is-sharada jas dombyrashylar "Adai", "Kóńil tolqyny", "Qos alqa" kúilerin tartyp, myń buralǵan bishiler "Aqqý", "Shashý" bilerin biledi. Sonymen qatar, kúmis kómei jas ánshiler elorda turǵyndary men qonaqtaryna merekelik kóńil kúi syilady.
Merekelik kontsertte qasietti dombyraǵa qatysty suraqtar qoiylyp, durys jaýap bergen kóremenderge syilyqtar berildi. Budan bólek, kórermender arasynan da dombyranyń qulaǵynda oinaityndar tabylyp, olar da óz ónerlerimen bólisti.
