Foto: Ashyq derekkóz
Reseiden Qazaqstanǵa asa iri mólsherde alaiaqtyq jasaǵan kúdikti ekstraditsiialandy, - dep habarlaidy "Ult aqparat" Bas prokýratýranyń baspasóz qyzmetine silteme jasap.
Búgin Bas prokýratýra Qazaqstan Respýblikasynyń Ishki ister ministrligimen birlesip, asa iri mólsherde alaiaqtyq jasaǵany úshin qylmystyq jaýapkershilikke tartý maqsatynda Resei Federatsiiasynan kúdikti ekstraditsiialandy.
"Ol 2020-2023 jyldar aralyǵynda qurylys kompaniiasynyń basshysy bola otyryp, Astana qalasynda premiým sanatyndaǵy páterlerdi salý jáne satý syltaýymen aldyn ala sóz bailasý arqyly adamdar tobynda 4,3 mlrd teńgeden astam somaǵa 200-den astam úleskerdiń aqshalai qarajatyn urlap ketken", - delingen habarlamada.
Qylmys jasaǵannan keiin kúdikti jasyrynyp, osyǵan bailanysty halyqaralyq izdestirý jariialandy.
"Ótken jyldyń qarasha aiynda Qazaqstan Respýblikasy Bas prokýratýrasynyń suraý salýy boiynsha bul tulǵa Resei Federatsiiasynyń aýmaǵynda ustalyp, ony ekstraditsiialaý týraly sheshim qabyldandy.
Qazirgi ýaqytta ol tergeý izoliatoryna qamaldy.
Qylmystyq toptyń basqa sybailas qatysýshylary ótken jyldyń sońynda ustalynyp, qazirdi tańda olarǵa qatysty tergeý amaldary júrgizilip jatyr".
Atalǵan qylmys jasaǵany úshin múlki tárkilenip, 5 jyldan 10 jylǵa deiingi merzimge bas bostandyǵynan aiyrý jazasy qarastyrylǵan.
