فوتو: اشىق دەرەككٶز
رەسەيدەن قازاقستانعا اسا ٸرٸ مٶلشەردە الاياقتىق جاساعان كٷدٸكتٸ ەكستراديتسييالاندى, - دەپ حابارلايدى "ۇلت اقپارات" باس پروكۋراتۋرانىڭ باسپاسٶز قىزمەتٸنە سٸلتەمە جاساپ.
بٷگٸن باس پروكۋراتۋرا قازاقستان رەسپۋبليكاسىنىڭ ٸشكٸ ٸستەر مينيسترلٸگٸمەن بٸرلەسٸپ, اسا ٸرٸ مٶلشەردە الاياقتىق جاساعانى ٷشٸن قىلمىستىق جاۋاپكەرشٸلٸككە تارتۋ ماقساتىندا رەسەي فەدەراتسيياسىنان كٷدٸكتٸ ەكستراديتسييالاندى.
"ول 2020-2023 جىلدار ارالىعىندا قۇرىلىس كومپانيياسىنىڭ باسشىسى بولا وتىرىپ, استانا قالاسىندا پرەميۋم ساناتىنداعى پەتەرلەردٸ سالۋ جەنە ساتۋ سىلتاۋىمەن الدىن الا سٶز بايلاسۋ ارقىلى ادامدار توبىندا 4,3 ملرد تەڭگەدەن استام سوماعا 200-دەن استام ٷلەسكەردٸڭ اقشالاي قاراجاتىن ۇرلاپ كەتكەن", - دەلٸنگەن حابارلامادا.
قىلمىس جاساعاننان كەيٸن كٷدٸكتٸ جاسىرىنىپ, وسىعان بايلانىستى حالىقارالىق iزدەستiرۋ جارييالاندى.
"ٶتكەن جىلدىڭ قاراشا ايىندا قازاقستان رەسپۋبليكاسى باس پروكۋراتۋراسىنىڭ سۇراۋ سالۋى بويىنشا بۇل تۇلعا رەسەي فەدەراتسيياسىنىڭ اۋماعىندا ۇستالىپ, ونى ەكستراديتسييالاۋ تۋرالى شەشٸم قابىلداندى.
قازٸرگٸ ۋاقىتتا ول تەرگەۋ يزولياتورىنا قامالدى.
قىلمىستىق توپتىڭ باسقا سىبايلاس قاتىسۋشىلارى ٶتكەن جىلدىڭ سوڭىندا ۇستالىنىپ, قازٸردٸ تاڭدا ولارعا قاتىستى تەرگەۋ امالدارى جٷرگٸزٸلٸپ جاتىر".
اتالعان قىلمىس جاساعانى ٷشٸن مٷلكٸ تەركٸلەنٸپ, 5 جىلدان 10 جىلعا دەيٸنگٸ مەرزٸمگە باس بوستاندىعىنان ايىرۋ جازاسى قاراستىرىلعان.
