Foto: Pexels.com
Astanada arnaiy ekonomikalyq aimaqtyń aýmaǵyn keńeitip, týristik aýdan qurý usynylyp otyr. Tiisti qujat "Ashyq NQA" saitynda jariialandy, dep habarlaidy KAZ.NUR.KZ.
Ónerkásip jáne qurylys ministrligi arnaiy ekonomikalyq aimaqtar máselelerine ózgerister men tolyqtyrýlar engizetin úkimet qaýlysyn ázirledi. Qaýly jobasy "Ashyq NQA" saitynda jariialandy.
"Joba Qazaqstan Respýblikasy premer-ministriniń birinshi orynbasary R.V. Skliardyń investitsiialar tartý jónindegi keńes otyrysynyń qorytyndysy boiynsha ázirlendi jáne týrizm salasyna investitsiialar tartý arqyly Astana qalasyn jedel damytý maqsatynda Kópfýnktsionaldy týristik aýdan qurylysy sheńberinde "Astana – Tehnopolis" arnaiy ekonomikalyq aimaǵynyń aýmaǵyn keńeitýdi kózdeidi", - delingen qujatta.
Aita keterligi, qazir arnaiy eknomikalyq aimaqtyń jalpy aýmaǵy 688,6 gektarǵa teń. Endi ony quramyna aýdany 157,585 gektar bolatyn "Kópfýnktsionaldy týristik aýdan" sýbaimaǵyn qosý arqyly 846,185 gektarǵa keńeitý usynylyp otyr.
Qujat 12 jeltoqsanǵa deiin qoǵamdyq talqylaýǵa shyǵarylǵan.
