Astanada túngi saǵat úshte mektepke barǵan oqýshynyń ata-anasy jazalandy, - dep habarlaidy Tengrinews.kz.
Túnde astanalyqtar mektep mańynda turǵan qyzdy baiqap, politsiiaǵa habarlasqan. Politsiia málimetinshe, oqýshy oianǵanda, úidegi saǵatta ýaqyt tańǵy 07.00-di kórsetken. Osylaisha, ol daiyndalyp, mektepke ketken.
"3 aqpanda saǵat 3.26-da "102" arnasyna Konstitýtsiia kóshesindegi mektep mańynda kishkentai qyz turǵany týraly aqparat tústi. Tekserý barysynda politsiia qyzmetkerleri kámeletke tolmaǵan oqýshynyń túngi saǵat 03.00-de oianyp, kiinip, mektepke barǵanyn anyqtady. Óitkeni úi saǵatyndaǵy ýaqyt tańǵy 07.00-di kórsetken", - dedi elordalyq PD ókili.
Sondai-aq, vedomstvo ókili ata-anasy bul týraly politseilerden bilgenin aitty. Olar ákimshilik jaýapkershilikke tartylǵan.
