videodan alynǵan kadrlar
Astanada Qorǵaljyn tasjoly aýdanynda tórt kólik jol apatyna ushyrady. Olardyń biri aýdarylyp qalǵan, - dep habarlaidy Tengrinews.kz.
"10 sáýirde saǵat 09:48 shamasynda Toyota Land Cruiser Prado kóliginiń 37 jastaǵy júrgizýshisi Qorǵaljyn tasjoly boiymen kele jatyp, jolaqty aýystyrý kezinde kólikke jol bermei, Toyota Camry kóligimen soqtyǵysqan. Soqqy saldarynan kólik aýdarylyp qaldy", - dep habarlady politsiia.
Sondai-aq, Toyota Land Cruiser Prado kóligi inertsiia saldarynan taǵy eki kólikpen soqtyǵysqan.
Politsiia departamenti zardap shekkender men qurbandar joq dep málimdedi. Qazir jol apaty boiynsha tergeý amaldary júrgizilip jatyr.
Astana qalasynyń Politsiia departamenti kólik júrgizýshilerinen jolda asa saq bolyp, jol erejesin qatań saqtaýdy suraidy.
