Foto: freepik
Elordada «Sincere Systems» qarjy piramidasynyń uiymdastyrýshysy sottaldy, dep habarlaidy "Ult aqparat" Qarjylyq monitoring agenttiginiń baspasóz qyzmetine silteme jasap.
"Astana qalasynda qarjylyq (investitsiialyq) piramidany qurý jáne basqarý faktisi boiynsha «Sincere Systems» JShS basshylyǵyna qatysty sot úkimi shyǵaryldy.
Atalǵan JShS 2020 jyldan beri jumys isteidi jáne kriptovaliýta birjalarymen yntymaqtasatyn kompaniianyń atyn jamylyp, azamattardan qarajat jinap keldi. Salymshylardyń sanyn kóbeitý úshin oidan shyǵarylǵan jobalarǵa investitsiia salý múmkindigi qarastyryldy" - delingen habarlamada.
Vedomstvo málimetinshe, klientti investitsiianyń qaýipsiz ekendigine sendirý úshin ID berý arqyly onyń jeke kabineti tirkelgen, sondai-aq salymǵa teń virtýaldy qarajatpen tolyqtyrý múmkindigi bar veb-sait qurylǵan.
"Azamattardan jinalǵan qarajat kólemi 215 mln teńgeni qurady.
Sot úkimimen «Sincere Systems» JShS basshysy 5 jylǵa investitsiialyq qyzmetpen ainalysýǵa tyiym salynyp, 6 jylǵa shartty túrde bas bostandyǵynan aiyryldy" - deidi QMA baspasóz qyzmeti ókilderi.
