Budan basqa, jeńildikter boiynsha Uly Otan soǵysynyń ardagerlerine teńestirilgenderge – UOS kezeńinde qyzmet ótkergen áskeri qyzmetshiler, fashistik Germaniiaǵa qarsy is-qimyldarǵa qatysqan adamdar, Leningrad qalasynda blokada kezeńinde jumys istegen azamattar, kontslagerlerdiń kámeletke tolmaǵan tutqyndary, áskeri qyzmetshiler, jaralanýy saldarynan múgedektigi bar adamdarǵa, azamattyq nemese áskeri maqsattaǵy obektilerdegi radiatsiialyq apattar, iadrolyq synaqtar saldarynan múgedektigi belgilengen adamdarǵa, múgedektigi ata-anasynyń biriniń radiatsiialyq sáýlelenýinen genetikalyq jolmen berilgen jandarǵa 45 AEK (176 940 teńge) mólsherinde qarjy qarastyrylǵan.
Ózge memleketterdiń aýmaǵyndaǵy áskeri qimyldardyń ardagerleri (Aýǵan soǵysy ardagerlerinen basqa) – tájik-aýǵan sektorynda, Iraktaǵy halyqaralyq bitimgershilik operatsiiasynda tapsyrmalardy oryndaǵan áskeri qyzmetshiler), Taýly Qarabaqtaǵy ultaralyq qaqtyǵysty retteýde bolǵan áskerilerge 45 AEK (176 940 teńge) beriledi.
«Ardagerler týraly» Qazaqstan Respýblikasynyń Zańynda kózdelgen ózge de tulǵalarǵa – tyl eńbekkerleri, qaitys bolǵan áskeri qyzmetshilerdiń otbasylary, qaitys bolǵan Uly Otan soǵysy ardageriniń jubaiy – 15 AEK (58 980 teńge) mólsherinde tólem qarastyrylǵan.
Tólemder sáýir aiynyń sońyna deiin júrgiziletin bolady.
