Roza Baǵlanova atyndaǵy «Qazaqkontsert» memlekettik akademiialyq kontserttik uiymynda Qazaqstannyń eńbek sińirgen qairatkeri, «Parasat» ordeniniń kavaleri, tanymal pianist Serik Erkimbekovtiń «Ómir jeli» atty avtorlyq keshi ótti.
Bul keshte kompozitordyń mýzykalyq shyǵarmashylyǵyn qamtityn kontserttik baǵdarlama usynyldy. Atap aitqanda, «Ómir jeli», «Gaýhar», «Jer-Aspan», «Altyn-arqa», «Anaǵa arnaý», «Shat kóńil», «Vocalise», «Darhan dala», sondai-aq, operalardan úzindiler, halyq ánderi, ulttyq biler jáne t.b. oryndaldy.
Is-shara memleket jáne mýzyka óneriniń kórnekti qairatkeri Jeksembek Erkimbekovtiń 95 jyldyq mereitoiyna orai uiymdastyryldy.
Is-sharaǵa QR eńbek sińirgen ártisi Bekbolat Baisaǵatov, Qazaqstannyń eńbek sińirgen qairatkerleri Nurlan Izmailov, Klara Tólenbaeva, Bibigúl Januzaq, Erlan Rysqali, Talǵat Musabaev, Jupar Ǵabdýlina, Medet Chotabaev, Saltanat Ahmetova, Parijdegi A. Rýbinshtein atyndaǵy halyqaralyq pianister baiqaýynyń laýreaty Nurgúl Núsipjanova, «Daryn» memlekettik jastar syilyǵynyń laýreaty Asqar Muqiiat, «Mádeniet salasynyń úzdigi» tósbelgisiniń iegerleri Dina Mirmanova, Maqsat Medeýbek, sondai-aq halyqaralyq baiqaýlardyń laýreattary Samat Jeksenbaev, Aqbike Alǵi, Sadjana Mýrzalieva, Dilnaz Omarhan, Ibrahim Amin jáne Aiym Qoǵam qatysty.
Sondai-aq, sahnada Qazaq memlekettik simfoniialyq orkestri (dirijerlar — Qazaqstannyń halyq ártisi Abzal Muhitdinov, Qazaqstannyń eńbek sińirgen qairatkeri Asqar Dúisenov), QazUÓÝ hory, «Gulder» ansambliniń baleti, «Birlik» bi ansambli, QazUÓÝ-dyń skripkashylary men qobyzshylar ansambli jáne Astana qalasy mektepteriniń «Baldáýren» balalar hory óner kórsetti.
