Búgin Astanadaǵy Beibitshilik jáne kelisim saraiynda «Qazaqstan» teleradiokorporatsiiasynyń uiymdastyrýymen «Samǵa, Balapan!» balalar festivali ótti.
Sharaǵa Májilis jáne Senat depýtattary, jýrnalister men respýblikalyq balalar uiymdarynyń ókilderi qatysty.
Halyqaralyq balalardy qorǵaý kúnine orai dástúrli túrde ótetin is-sharanyń biylǵy ereksheligi - óz zamandastary arasynda izgi áreketterimen, batyldyǵymen, eńbekqorlyǵymen, bilim men ǵylymǵa, ónerge qushtarlyǵymen daralanǵan balalarǵa «Samǵa, Balapan!» júldesi tabystaldy. Bul - «Balapan» telearnasynyń Redaktsiialyq alqasynyń sheshimimen beriletin arnaiy marapat.
Festivaldiń «Bala batyr» nominatsiiasy 2022 jylǵy 3 jeltoqsan kúni Atyraý qalasyndaǵy Jaiyq ózeniniń jaǵasynda dostaryn sýdan aman alyp qalǵan Dinmuhammed Jańbyrbaiǵa, «Sportshy balapan» nominatsiiasy 9 jasqa deiingi balalar arasynda shahmattan Álem chempiony, G09 boiynsha FIDE reitinginiń basynda turǵan Alanna Berikqyzyna, «Ónertapqysh bala» atalymy robototehnika boiynsha halyqaralyq baiqaýlardyń jeńimpazy, almatylyq 13 jastaǵy Dias Muratovqa, «Qamqor bala» nominatsiiasy Aqmola oblysy Atbasar aýdanynyń 10 jastaǵy turǵyny, respýblika boiynsha eń jas erikti Kseniia Pelih pen qariialarǵa kómek qolyn sozyp júrgen Astana qalasyndaǵy №15 mektep-litseidiń 8-synyp oqýshysy Ámina Temirhanovaǵa tabystaldy.
«Samǵa, Balapan!» júldesiniń «Meniń súikimdi keiipkerim» arnaiy nominatsiiasyn kórermen kózaiymyna ainalǵan «Jibek» animatsiialyq mýltserialynyń basty keiipkeri ielendi. Jeńimpaz «Balapan» telearnasynyń veb-resýrstary arqyly kórermender arasynda júrgizilgen saýalnama nátijesinde anyqtaldy.
«Nominanttardy irikteýge QR Oqý-aǵartý ministrligi, QR Mádeniet jáne sport ministrligi men «Ulttyq volonterler jelisi» birlestigi atsalysty. «Samǵa, Balapan!» festivali bolashaqta balalardy igi isterge shaqyratyn biregei alańǵa ainalady. Qoǵamdy izgilendirý, onyń negizgi múshesi balalardy yntalandyrý, inkliýzivti mádeniet qalyptastyrý «Balapan» arnasynyń basty áleýmettik mindetteriniń biri», - dedi teleradiokorporatsiianyń Basqarma tóraiymy Lázzat Tanysbai.
Sharanyń televiziialyq nusqasy «Balapan» telearnasynan 1 maýsym kúni saǵat 13:30-da kórsetiledi.
