Astanada saiahatshy Búrlen Ádiletqyzynyń velosipedi urlandy degen aqparat shyndyqqa janaspaityny anyqtaldy. Bul týraly Astana qalasynyń Politsiia departamenti málimdedi, dep habarlaidy ult.kz.
Politsiianyń habarlaýynsha, velosipedtiń urlanǵany týraly departamentke eshqandai aryz túspegen.
Alaida áleýmettik jelide velosipedtiń urlanǵany týraly beinematerial jariialanǵannan keiin politsiia qyzmetkerleri onyń ornalasqan jerin qysqa ýaqyt ishinde anyqtaǵan.
Tekserý nátijesinde urlyq faktisi bolmaǵany anyqtaldy. Velosiped saiahatshynyń qurbysynda qalǵan.
Politsiia departamenti jalǵan aqparat taratqany úshin Qazaqstan zańnamasyna sáikes jaýapkershilik qarastyrylatynyn eskertti.
