Burynǵy májilis depýtaty, tanymal bloger Táńirbergen Berdońǵarov Siterler otbasyna bardy. Bes balasynan airylyp qalǵan otbasy búgingi tańda kópshilikti qyzyqtyryp otyrǵan suraqtarǵa jaýap berdi. Berdońǵarov suhbattyń videosyn YouTube-tegi arnasynda jariialaǵan, dep jazady Stan.kz.
Suhbat barysynda qaitys bolǵan 5 qyzdyń ákesi Evgenii Siter sol túni qaida bolǵanyn aitady. Ol kólik jóndeýmen 20 jyldan astam ýaqyt ainalysqan.
«Men kólikti jóndeýge alǵanda, kelisilgen ýaqyt boiynsha úlgermei jattym. Eki aptaǵa keshiktirdim. Sondyqtan túnde jumys isteýime týra keldi. Sebebi tańerteń kólikti berýim kerek boldy. Kóliktiń iesine jolǵa shyǵý kerek edi, ol kún saiyn 20 myń teńge joǵaltady. Meniń kólik jóndeýmen ainalysyp júrgenime 20 jyldan astam ýaqyt boldy. Turaqty klientterim bar», – deidi Evgenii Siter.
Belgili bolǵandai otbasynyń 3 nesiesi bolǵan. Olardyń jalpy somasy –100 myń teńge.
Qaiǵyly jaǵdaidan keiin «Áziret Sultan» meshitiniń bas imamynyń bastamasymen Siterler otbasyna aqsha jinalǵan-tyn. Qaiǵyly qazaǵa bei-jai qarai almaǵan qazaqstandyqtar 13 mln teńge kóleminde aqsha jinap bergen. Meshit qyzmetkerleri bul aqshaǵa ákimdikpen birigip qara jamylǵan otbasyǵa úi alyp beretinderin aitqan edi. Óz sózinde marqum qyzdardyń anasy Janymgúl Siter búginde úi alý úshin kelisimshartqa qol qoiǵandaryn aitty.
«Olar kelip: «Aqshalai bereiik pe, álde páter satyp alýǵa kómekteseiik pe?» – dep surady. Biz páterdi tańdadyq. Satyp alý-satý kelisimshartyna qol qoidyq», – deidi Janymgúl Siter.
Bes balasynan birdei airylyp, qaiǵydan qan jutyp otyrǵan ana bolashaǵy týraly suraqqa jaýap berdi.
«Bala tabý, jumys isteýge degen niet… Kelesi balalarymdy da alyp ketpeitinine kepil bar ma?» – deidi ol.
Sondai-aq, Siterler otbasy qazaqstandyqtarǵa kórsetken kómekteri úshin alǵys bildirdi.
