Foto: Astana qalasynyń ákimdigi
Astana qalasynyń ákimi Jeńis Qasymbek Instagram paraqshasynda Qutqarýshylar kúni merekesine orai órtsóndirýshi Asqar Zabikýlinniń biýsti ashylǵanyn habarlady, - dep jazady elorda ákimdiginiń resmi saity.
«Búgin – Qutqarýshylar kúni – Astanada órtsóndirýshi Asqar Zabikýlinniń biýsti ashyldy. Onyń janqiiarlyq áreketi, qaharmandyǵy men batyldyǵynyń arqasynda adamdar qutqaryldy. Asqar Zabikýlinniń erligi júregimizde máńgi saqtalady.
Biýst №6 Mamandandyrylǵan órt sóndirý beketiniń aýmaǵynda ornalasqan. Sol siiaqty batyrdyń qurmetine kóshe ataýy berilip, eskertkish taqta ornatyldy.
Qutqarýshylardy kásibi merekelerimen quttyqtaimyn! Sizder myńdaǵan adamnyń ómirin ajal aýzynan qutqaryp qaldyńyzdar. Sizderdiń mamandyqtaryńyz úlken qurmetke ie ári qaýipti. Bárińizge qyzmetten ylǵi da aman-esen oralýdy tileimin!» - dep jazdy Jeńis Qasymbek.
