Foto:depositphotos.com
Astanada 8-synyp oqýshysyn zorlady degen kúdikpen tórt jasóspirim ustaldy. Bul týraly Ishki ister ministri Erjan Sádenov málimdedi, - dep habarlaidy "Ult aqparat".
"Ókinishke qarai, mundai fakt boldy. Biz kúdiktilerdi anyqtap, ustadyq. Olar da - kámeletke tolmaǵan balalar. Qazir qylmystyq is júrip jatyr. Kámeletke tolmaǵan tórt bala ustaldy", - dedi Sádenov Májilis kýlýarynda.
Esterińizge sala keteiik, Astanada 11-synyp oqýshylary 8-synypta oqityn qyzdy jabylyp zorlaǵan.
"Kúdiktiler ustalyp, ýaqytsha ustaý izoliatoryna qamaldy. Tergeý amaldary júrip jatyr. Men qyzdyń anasymen bailanystamyn. Qyzben psiholog jumys istep jatyr", - dep jazdy Qazaqstandaǵy Bala quqyqtary jónindegi ýákil Dinara Zákieva.
