Kesheden beri Astanadaǵy Energetika ministrligi keńsesiniń aldynda túnep, narazylyq bildirgen "BerÁli Mańǵystaý Company" kásiporny jumysshylarynyń ókilderi Jolmurat Ulyqpanov pen Nursultan Nurymuly úndeý jasady, - dep habarlaidy "Ult aqparat".
Olardyń biri qazir Astanada ekenin, bári politsiia bóliminen shyǵarylǵanyn aitty.
"Assalaýmaǵaleikým, qazaq eli! Qazirgi tańda Astana qalasyndamyz. Bizdi ROVD-dan shyǵardy. Bári jaqsy.
Iá, Mańǵystaý halqy, biz amanbyz, jigitterdiń de deni saý. Buiyrsa tańerteń jigitterdiń bári poiyzben ketedi. Biz innitsiativnyi grýppa - bes adam osynda qalyp, ári qarai ministrlik ókilderimen, Qazmunaigaz ókilderimen sharýalarymyzdy sheship, hattamalardy toltyryp, naqty protokolmen jumys isteimiz. Jańaózen halqy, Alla razy bolsyn, raqmet! Bizder úshin ýaiymdap, nazar aýdarǵandaryńyzǵa. Biz amanbyz! Barlyǵyńyzdan úilerińizge taraýdy suraimyn! Raqmet!", - deidi Nursultan Nurymuly videoda.
Aita keteiik, turaqty jumys surap kelip, Astanadaǵy Energetika ministrligi ǵimaratynyń aldynda narazylyq bildirgen jańaózendik munaishylardy 11 sáýirde keshkisin politsiia men arnaiy jasaq kúshtep ustap áketti.
