كەشەدەن بەرٸ استاناداعى ەنەرگەتيكا مينيسترلٸگٸ كەڭسەسٸنٸڭ الدىندا تٷنەپ, نارازىلىق بٸلدٸرگەن "بەرەلٸ ماڭعىستاۋ Company" كەسٸپورنى جۇمىسشىلارىنىڭ ٶكٸلدەرٸ جولمۇرات ۇلىقپانوۆ پەن نۇرسۇلتان نۇرىمۇلى ٷندەۋ جاسادى, - دەپ حابارلايدى "ۇلت اقپارات".
ولاردىڭ بٸرٸ قازٸر استانادا ەكەنٸن, بەرٸ پوليتسييا بٶلٸمٸنەن شىعارىلعانىن ايتتى.
"اسسالاۋماعالەيكۋم, قازاق ەلٸ! قازٸرگٸ تاڭدا استانا قالاسىندامىز. بٸزدٸ روۆد-دان شىعاردى. بەرٸ جاقسى.
يە, ماڭعىستاۋ حالقى, بٸز امانبىز, جٸگٸتتەردٸڭ دە دەنٸ ساۋ. بۇيىرسا تاڭەرتەڭ جٸگٸتتەردٸڭ بەرٸ پويىزبەن كەتەدٸ. بٸز يننيتسياتيۆنىي گرۋپپا - بەس ادام وسىندا قالىپ, ەرٸ قاراي مينيسترلٸك ٶكٸلدەرٸمەن, قازمۇنايگاز ٶكٸلدەرٸمەن شارۋالارىمىزدى شەشٸپ, حاتتامالاردى تولتىرىپ, ناقتى پروتوكولمەن جۇمىس ٸستەيمٸز. جاڭاٶزەن حالقى, اللا رازى بولسىن, راقمەت! بٸزدەر ٷشٸن ۋايىمداپ, نازار اۋدارعاندارىڭىزعا. بٸز امانبىز! بارلىعىڭىزدان ٷيلەرٸڭٸزگە تاراۋدى سۇرايمىن! راقمەت!", - دەيدٸ نۇرسۇلتان نۇرىمۇلى ۆيدەودا.
ايتا كەتەيٸك, تۇراقتى جۇمىس سۇراپ كەلٸپ, استاناداعى ەنەرگەتيكا مينيسترلٸگٸ عيماراتىنىڭ الدىندا نارازىلىق بٸلدٸرگەن جاڭاٶزەندٸك مۇنايشىلاردى 11 سەۋٸردە كەشكٸسٸن پوليتسييا مەن ارنايى جاساق كٷشتەپ ۇستاپ ەكەتتٸ.
