2016 jylǵy 26 qazanda Qazaqstan Respýblikasynyń Ulttyq mýzeii Táýelsizdiktiń 25 jyldyǵyna orai áleýmettik joba aiasynda jáne ótken múgedekter kúnine bailanysty (qazan aiynyń ekinshi jeksenbisi) múmkindigi shekteýli jandarǵa arnap aqysyz ekskýrsiia ótkizdi.
Osy kúnge orailastyra otyryp «Nur Otan» partiiasynyń Astana qalasy boiynsha filialy men «Tsesnabank» AQ Qazaqstan Respýblikasynyń Ulttyq mýzeiine múgedekterge arnalǵan arbalar tabystady.
Shara barysynda qonaqtarǵa mýzei zaldary boiynsha arnaiy ekskýrsiia júrgizildi. Kelgen qonaqtar Ulttyq mýzeidegi barlyq zaldardy tamashalap, mýzei eksponattarymen tanysty. Ekskýrsiia sońynda uiymdastyrýshylarǵa alǵys aita otyryp mýzeiden alǵan áserlerin bólisti.
Nurmanova Toǵjan Ábdirahmanqyzy, Astana qalasynyń turǵyny:
«Óte keremet. Mýzei maǵan qatty unady. Bul mýzeige birinshi ret kelip turmyn. Osy mýzeige kelýge múmkindik alǵanyma óte qýanyshtymyn. Maǵan ásirese Ejelgi jáne orta ǵasyrlar tarihy zaly qatty unady. Osyndai áleýmettik jobalardy uiymdastyrǵany úshin Ulttyq mýzeige alǵys bildiremin».
Edigeev Saken Tyshqanbaiuly, Astana qalasynyń turǵyny:
«Búgin mynaý Ulttyq mýzeige kelip jatqanymyzǵa qýanyshtymyz. Jaqsy áser aldyq. Barlyq zaldar unady. Qazaq eliniń ótkenimen tanysyp, tarihi buiymdardy kórdik. Balam Asyljan áleýmettik kómekke muqtaj. Sol ulymdy alyp kelip ekeýmiz mýzeidi tegin tamashalap shyqtyq. Biz úshin bundai jerlerge aqsha shyǵaryp kelý qiyndaý. Sondyqtan da osy sharany uiymdastyrýshylarǵa alǵys aitqym keledi».
Atalǵan aktsiianyń maqsaty – múmkindigi shekteýli jandarǵa da elimizdiń tarihy men mádenietin kórip tamashalaýǵa jaǵdai jasaý. Ulttyq mýzei osyǵan deiin ustazdar merekesi qarsańynda astanalyq ustazdardy jáne ardagerlerdi arnaiy aqysyz ekskýrsiiaǵa shaqyrǵan bolatyn.
