Foto: video skrinshot
Astana qalasynyń tártip saqshylary elorda meshitteriniń birinen kelýshilerdiń aiaq kiimin urlap ketken er adamdy anyqtady, dep habarlaidy «Ult aqparat» Polisia.kz-ke silteme jasap.
Qala turǵyny politsiiaǵa aiaq kiiminiń urlanǵany týraly aryzdanǵan. Er adamnyń aitýynsha, qaladaǵy meshitterdiń birinde belgisiz bireý onyń quny 30 myń teńge turatyn krossovkasyn urlap ketken.
Jedel-izdestirý is-sharalary barysynda Astana qalalyq PD kriminaldyq politsiia basqarmasynyń qyzmetkerleri urlyq jasaǵan kezde beinebaqylaý kameralaryna túsip qalǵan 28 jastaǵy er adamdy anyqtaǵan. Kadrlarda onyń sóreniń janyndaǵy aiaq kiimge qarap turǵanyn kórýge bolady.
Ózine unaǵan aiaq kiimdi tańdap alyp, ony kiip meshitten shyǵyp ketken. Er adam kinásin moiyndady, onyń astanada buryn jasalǵan osyndai qylmystarǵa qatysy bar-joǵyna qatysty tergeý júrip jatyr. Politsiia departamenti elorda turǵyndary men qonaqtaryna qyraǵy bolýǵa jáne baǵaly zattardy qaraýsyz qaldyrmaýǵa keńes beredi.
