فوتو: ۆيدەو سكرينشوت
استانا قالاسىنىڭ تەرتٸپ ساقشىلارى ەلوردا مەشٸتتەرٸنٸڭ بٸرٸنەن كەلۋشٸلەردٸڭ اياق كيٸمٸن ۇرلاپ كەتكەن ەر ادامدى انىقتادى, دەپ حابارلايدى «ۇلت اقپارات» Polisia.kz-كە سٸلتەمە جاساپ.
قالا تۇرعىنى پوليتسيياعا اياق كيٸمٸنٸڭ ۇرلانعانى تۋرالى ارىزدانعان. ەر ادامنىڭ ايتۋىنشا, قالاداعى مەشٸتتەردٸڭ بٸرٸندە بەلگٸسٸز بٸرەۋ ونىڭ قۇنى 30 مىڭ تەڭگە تۇراتىن كروسسوۆكاسىن ۇرلاپ كەتكەن.
جەدەل-ٸزدەستٸرۋ ٸس-شارالارى بارىسىندا استانا قالالىق پد كريمينالدىق پوليتسييا باسقارماسىنىڭ قىزمەتكەرلەرٸ ۇرلىق جاساعان كەزدە بەينەباقىلاۋ كامەرالارىنا تٷسٸپ قالعان 28 جاستاعى ەر ادامدى انىقتاعان. كادرلاردا ونىڭ سٶرەنٸڭ جانىنداعى اياق كيٸمگە قاراپ تۇرعانىن كٶرۋگە بولادى.
ٶزٸنە ۇناعان اياق كيٸمدٸ تاڭداپ الىپ, ونى كيٸپ مەشٸتتەن شىعىپ كەتكەن. ەر ادام كٸنەسٸن مويىندادى, ونىڭ استانادا بۇرىن جاسالعان وسىنداي قىلمىستارعا قاتىسى بار-جوعىنا قاتىستى تەرگەۋ جٷرٸپ جاتىر. پوليتسييا دەپارتامەنتٸ ەلوردا تۇرعىندارى مەن قوناقتارىنا قىراعى بولۋعا جەنە باعالى زاتتاردى قاراۋسىز قالدىرماۋعا كەڭەس بەرەدٸ.
