Foto: astana.restolife.kz
Sársenbi kúni Astanada buryn McDonald's brendimen jumys istegen keibir meiramhana qyzmetin qaita bastady. Qazirgi ýaqytta barlyq qajetti ónim kólemi bar jáne meiramhanalar kelýshilerdi qabyldaýǵa daiyn, dep atap ótti "Food Solutions KZ". Bul týraly Sputnik Qazaqstan habarlady.
"Meiramhana jabylǵanda jumyssyz qalǵandardyń jumys oryndary, jalaqylary jáne basqa da eńbek jaǵdaiy tolyq kólemde saqtalady", dep qosty kompaniia.
Astanada myna meiramhanalar jumys istep tur:
1. Qabanbai batyr dańǵyly, 26;
2. "Mega Silk Way" SOO, 2-qabat, fýdkort aimaǵy;
3. Qabanbai batyr dańǵyly, 62;
4. Saryarqa dańǵyly, 9 "D".
23 qańtarda 13 meiramhananyń beseýi "biz ashyqpyz" dep jazyp, kelýshilerdi qabyldai bastaǵan bolatyn.
Qazaqstandaǵy McDonald's ("Food Solutions KZ" JShS) jergilikti jetkizilimderdegi shekteýlerge bailanysty qarasha aiynyń ortasynda jumysyn toqtatty. Óitkeni franchaizer reseilik jetkizýshilerden et kotletterin satyp alýǵa tyiym saldy. Al qazaqstandyq aýyl sharýashylyǵy ministrligi McDonald's ókilderi otandyq ónimge kóshýge daiyn. Biraq bul úshin jergilikti jetkizýshilerge tiisti qymbat sertifikattar alý qajettigin málimdegen bolatyn.
Sertifikattaý uzaq ýaqytqa sozylatyndyqtan, meiramhanalar jumysyn toqtatty.
Qazaqstanda McDonald's brendimen alǵashqy meiramhana 2016 jyly ashylǵan edi. Osy jyldar ishinde Almaty, Astana, Atyraý, Aqtóbe, Qostanai, Qaraǵandy qalalarynda 24 meiramhana qyzmet kórsetti.
