Foto: Gov.kz
QMA Astana Mádeniet basqarmasynyń burynǵy basshysy Bolat Majaǵulovtyń ustalǵanyn rastady, dep habarlaidy "Ult aqparat" Tengrinews.kz aqparat agenttigine silteme jasap.
QMA Astananyń "Mádeniet basqarmasy" MM-niń burynǵy basshysy men merdiger uiym ókilderine qatysty asa iri kólemde biýdjet qarajatyn jymqyrý deregi boiynsha sotaldy tergeý amaldaryn júrgizip jatyr.
"2016 jyly Astana kúni merekesine orai salynǵan "Kún" ("Esil ózenindegi jaryq-illiýminatsiialyq jáne ot shoýy") sýbyrqaǵynyń qurylysy kezinde memlekettik satyp alý rásimderi júrgizilmei tikelei kelisimsharttar jasalǵan. Sýburqaq jobalyq qujattamasyz jáne memlekettik saraptamadan ótpei salynǵan", - delingen habarlamada.
Qurylys barysynda tehnikalyq sipattamalarǵa sáikes kelmeitin sapasyz materialdar qoldanylǵan. Nátijesinde atalǵan nysan 2017 jyldan bastap jumys istemei, qazirgi tańda apatty jaǵdaida tur.
"Urlanǵan qarajattyń kólemi 1 mlliard teńgeden asyp otyr. Kúdikti, Astananyń "Mádeniet basqarmasy" MM-niń burynǵy basshysy ustalyp, ýaqytsha ustaý izoliatoryna qamaldy. Tergeý aiasynda onyń múlkine tyiym salyndy. Onyń ishinde 3 kommertsiialyq nysan, 2 avtoturaq orny jáne Astana qalasyndaǵy premiým sanattaǵy páter. Atalǵan is boiynsha kúdiktilerdiń múlkine jalpy somasy 572 million teńgeden astam somaǵa shekteý qoiyldy", - delingen habarlamada.
