Foto: Orda.kz
Jeńis Qasymbektiń aitýynsha, alǵashqy poiyzdar 2025 jyldyń jazynyń sońynda nemese kúzdiń basynda iske qosylady. Qazirgi ýaqytta LRT qurylysy aiaqtalyp jatyr, dep habarlaidy Ult.kz ORDA telegram arnasyna silteme jasap.
Alaida jolaqy baǵasy áli eseptelmegen.
«Biz estakada boiynsha barlyq qurylys jumystaryn aiaqtadyq. LRT-nyń barlyq infraqurylymy jazǵa deiin daiyn bolady. Qazir relsterdi tóseý jumystary júrgizilip jatyr, kóktemde signalizatsiia ornatý bastalady. Alǵashqy poiyzdar kelesi jyldyń tamyz-qyrkúiek ailarynda qatynai bastaidy. Kúzde 15 quram jetkiziledi dep josparlap otyrmyz. Tehnikalyq qozǵalys kelesi jyldyń sońynda ashylady, al tolyq iske qosý 2026 jyldyń basynda bolady», — dedi ákim.
Buryn jolaýshylar aǵyny táýligine 20 myń adam bolady dep josparlanǵan, biraq Jeńis Qasymbek bul kórsetkishtiń artýy múmkin ekenin aitty.
«Sondyqtan jolaqy qunyn qaita esepteý qajet bolady. Qazir naqty baǵany aita almaimyn, biraq bul qoǵamdyq kólik ekenin jáne baǵalardy barlyq turǵyndarǵa qoljetimdi deńgeide ustap turýǵa tyrysatynymyzdy aita alamyn. Baǵa qolaily jáne aqylǵa qonymdy bolady», — dep qosty ákim.
Sondai-aq, Qasymbek elordadaǵy kólik keptelisi máselesin de qozǵady. Astanada kópirler sanyn kóbeitý josparlanyp otyr. Ákimniń pikirinshe, bul keptelisti azaitýǵa múmkindik beredi.
