Astanada janýarlarǵa qatygezdik kórsetken, usaq buzaqylyq jasaǵan adam ustaldy. Bul týraly Astana qalasy PD baspasóz qyzmetiniń basshysy Elmira Shaýlenova málimdedi, - dep habarlaidy Tengrinews.kz.
Politsiia málimetinshe, áleýmettik jelilerge monitoring barysynda Qoshqarbaev kóshesindegi turǵyn úidiń liftinde turǵan jigit mysyqty aiaýsyz tepkileitin video anyqtalǵan.
"Almaty" aýdany PB politsiia bóliminiń qyzmetkerleri onyń kim ekenin anyqtaǵan. Ol elordanyń 19 jastaǵy turǵyny bolyp shyqqan.
Kináli ýaqytsha ustaý izoliatoryna qamalǵan. Osy iske qatysty material sheshim qabyldaý úshin Astananyń ákimshilik quqyqbuzýshylyq jónindegi mamandandyrylǵan aýdanaralyq sotyna jiberilgen.
