Foto: © Sputnik / Vladislav Vodnev
Astanada liftide áieldiń basyna temir konstrýktsiia qulap tústi. Qalalyq politsiia departamenti qylmystyq is qozǵady, dep habarlaidy Sputnik Qazaqstan.
Áleýmettik jelide jaraqat alǵan áieldiń sýreti tarady. Jerde liftiniń tóbesin jabatyn temir konstrýktsiia jatyr. Qan aqqany da kórinedi.
Qalalyq Politsiia departamenti atalǵan derekke qatysty Qylmystyq kodekstiń 306-baby, 1-bóligi (Qaýipsizdik talaptaryna sai kelmeitin taýarlardy shyǵarý nemese satý, jumystardy oryndaý ne qyzmetter kórsetý) boiynsha sotqa deiingi tergeý sharalaryn bastady.
"Jaraqat alǵan áiel aýrýhanaǵa jetkizildi. Politseiler temir plafonnyń qulaýy boiynsha barlyq qajetti tergeý sharalaryn atqaryp jatyr", - deidi departament mamandary.
Aita keteri, osy bap boiynsha belgili bir laýazymdardy atqarý nemese belgili bir qyzmetpen ainalysý quqyǵynan úsh jylǵa deiingi merzimge aiyra otyryp nemese onsyz, 160 AEK-ke (552 000 teńgege) deiingi mólsherde aiyppul salý ne sol mólsherde túzeý jumystaryna nemese 160 saǵatqa deiingi merzimge qoǵamdyq jumystarǵa tartý ne qyryq táýlikke deiingi merzimge qamaqqa alý jazasy qarastyrylǵan.
