Foto: Polisia.kz
Astanada kútýshi qyz zeinetkerdiń 2,5 mln teńgesin jymqyrǵan, – dep habarlaidy Polisia.kz saity.
"Politsiiaǵa alaiaqtyq faktisi boiynsha 73 jastaǵy zeinetker aryzdanǵan. Almaty aýdany PB politsiia qyzmetkerleri jedel-izdestirý is-sharalaryn júrgizý kezinde 22 jastaǵy elorda turǵynyn anyqtady.
Tergeý barysynda qyzdyń egde jastaǵy áiel adamnyń úiinde kútýshi bolyp jumys isteitini belgili boldy. Birneshe aidyń ishinde jábirlenýshiniń senimine kirgen qaskúnem banktiń mobildi qosymshasyna zeinetkerdiń atynan kirip, kommýnaldyq tólemderdi júzege asyrý syltaýymen shotta jinalǵan qarajattan 2,5 mln teńgege jýyq aqsha urlaǵan.
Atalǵan fakti boiynsha sotqa deiingi tergeý amaldary júrgizilip, ustalǵan kúdiktiniń elorda aýmaǵynda jasalǵan basqa da osyǵan uqsas qylmysqa qatys bar-joǵy tekserilip jatyr" - delingen habarlamada.
QR Qylmystyq-protsestik kodeksiniń 201-baby negizinde tergeý múddesine sai sotqa deiingi tergep-tekserýdiń ózge derekteri jariia etýge jatpaidy.
