Astana qalasynyń TJ departamenti 30 mamyrda elorda aýmaǵynda ońtústik-batystan soltústik-batysqa aýysyp, jyldamdyǵyna 15-20 m/s kúshti jel soǵyp, aýa-raiynyń kúrt qubylýyna bailanysty qala turǵyndary men qonaqtaryna eskertý jasady, dep habarlaidy "Ult aqparat" Astana ákimdiginiń saityna silteme jasap.
Kúndiz jańbyr jaýady, kei jerlerde qatty jel soǵady dep kútilýde. Kún raiynyń buzylýyna bailanysty vedomstva mamandary turǵyndardy birqatar saqtyq sharalaryn ustanýǵa shaqyrady. Ekpini kúshti jel soqqanda úidegi nemese páterdegi terezerlerdi myqtap jabý kerek. Terezemen qorshalmaǵan, ashyq balkondar men lodjiialarda qatty jelden syrtqa ushatyn barlyq zattardy alyp tastaý qajet.
Sonymen qatar, mamandar turǵyndar men qala qonaqtaryna jel kóterilgende dalada jarnama qurylǵylary men ózge de ilinetin konstrýktsiialardan, elektr jelilelerinen, aǵashtardan alys turýǵa keńes beredi. Qaiǵyly jaǵdaiǵa dýshar bomas úshin barynsha saq bolýǵa shaqyrady. Úzilgen symdarǵa,teńselip turǵan aǵashtardan alys qashyqtyqta bolý qajet.
Kúshti jel soqqanda qala turǵyndary jaqyn mańdaǵy ǵimarattardy panalaýy qajet (bul - dúken, kitaphana, saýda úii, úi podezi, kinoteatr bolýy múmkin).
Sondai-aq mamandar turǵyndardy úlken aǵashtardyń astynda turmaýǵa, ásirese terek aǵashyn yqtamaýdy, olardyń astyna kólik qoimaýǵa keńes beredi. Sebebi aǵash qulaidy nemese butalary synyp, qaýip tóndiredi. Shirigen, kóp jyl turǵan taldardan da alshaq júrý qajettigin eskertedi.
Elordanyń TJD mamandary turǵyndardan saq bolýdy, ári tótenshe jaǵdai týyndasa, «112» telefonyna qońyraý shalyp, jedel qyzmetke habarlasýdy suraidy.
