استانا قالاسىنىڭ تج دەپارتامەنتٸ 30 مامىردا ەلوردا اۋماعىندا وڭتٷستٸك-باتىستان سولتٷستٸك-باتىسقا اۋىسىپ, جىلدامدىعىنا 15-20 م/س كٷشتٸ جەل سوعىپ, اۋا-رايىنىڭ كٷرت قۇبىلۋىنا بايلانىستى قالا تۇرعىندارى مەن قوناقتارىنا ەسكەرتۋ جاسادى, دەپ حابارلايدى "ۇلت اقپارات" استانا ەكٸمدٸگٸنٸڭ سايتىنا سٸلتەمە جاساپ.
كٷندٸز جاڭبىر جاۋادى, كەي جەرلەردە قاتتى جەل سوعادى دەپ كٷتٸلۋدە. كٷن رايىنىڭ بۇزىلۋىنا بايلانىستى ۆەدومستۆا ماماندارى تۇرعىنداردى بٸرقاتار ساقتىق شارالارىن ۇستانۋعا شاقىرادى. ەكپٸنٸ كٷشتٸ جەل سوققاندا ٷيدەگٸ نەمەسە پەتەردەگٸ تەرەزەرلەردٸ مىقتاپ جابۋ كەرەك. تەرەزەمەن قورشالماعان, اشىق بالكوندار مەن لودجييالاردا قاتتى جەلدەن سىرتقا ۇشاتىن بارلىق زاتتاردى الىپ تاستاۋ قاجەت.
سونىمەن قاتار, ماماندار تۇرعىندار مەن قالا قوناقتارىنا جەل كٶتەرٸلگەندە دالادا جارناما قۇرىلعىلارى مەن ٶزگە دە ٸلٸنەتٸن كونسترۋكتسييالاردان, ەلەكتر جەلٸلەلەرٸنەن, اعاشتاردان الىس تۇرۋعا كەڭەس بەرەدٸ. قايعىلى جاعدايعا دۋشار بوماس ٷشٸن بارىنشا ساق بولۋعا شاقىرادى. ٷزٸلگەن سىمدارعا,تەڭسەلٸپ تۇرعان اعاشتاردان الىس قاشىقتىقتا بولۋ قاجەت.
كٷشتٸ جەل سوققاندا قالا تۇرعىندارى جاقىن ماڭداعى عيماراتتاردى پانالاۋى قاجەت (بۇل - دٷكەن, كٸتاپحانا, ساۋدا ٷيٸ, ٷي پودەزٸ, كينوتەاتر بولۋى مٷمكٸن).
سونداي-اق ماماندار تۇرعىنداردى ٷلكەن اعاشتاردىڭ استىندا تۇرماۋعا, ەسٸرەسە تەرەك اعاشىن ىقتاماۋدى, ولاردىڭ استىنا كٶلٸك قويماۋعا كەڭەس بەرەدٸ. سەبەبٸ اعاش قۇلايدى نەمەسە بۇتالارى سىنىپ, قاۋٸپ تٶندٸرەدٸ. شٸرٸگەن, كٶپ جىل تۇرعان تالداردان دا الشاق جٷرۋ قاجەتتٸگٸن ەسكەرتەدٸ.
ەلوردانىڭ تجد ماماندارى تۇرعىنداردان ساق بولۋدى, ەرٸ تٶتەنشە جاعداي تۋىنداسا, «112» تەلەفونىنا قوڭىراۋ شالىپ, جەدەل قىزمەتكە حابارلاسۋدى سۇرايدى.
