Foto: © Sputnik / Abzal Kaliev
Astana qalasynyń Qorshaǵan ortany qorǵaý basqarmasynyń basshysy jemqorlyq jasady degen kúdikke ilindi, - dep habarlaidy "Ult aqparat" Antikor baspasóz qyzmetine silteme jasap.
Sybailas jemqorlyqqa qarsy qyzmet «Astana qalasynyń qorshaǵan ortany qorǵaý jáne tabiǵatty paidalaný basqarmasy» MM basshysyna qatysty tergeýdi aiaqtaǵan.
"Ol laýazymdyq ókilettikterin asyra paidalana otyryp, kásipkerlik sýbektisine 4,7 mln teńge kóleminde zalal keltirgen degen kúdikke ilindi. Qazirgi ýaqytta aiyptalýshy sotqa tartyldy.
Tergeý múddesi úshin ózge aqparat jariia etýge jatpaidy" - delingen agenttik habarlamasynda.
Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
