Foto: Polisia.kz
Astana qalasynda Qazaqstan politsiiasy qyzmetkerlerine arnalǵan Otan qorǵaýshylar kúni men Jeńistiń 81 jyldyǵyna orai saltanatty is-shara ótti, dep habarlaidy Polisia.kz.
Shara barysynda ishki ister organdarynyń ardagerleri men qyzmette erekshe kózge túsken politseiler marapattaldy. Olarǵa «Ishki ister organdarynyń qurmetti qyzmetkeri», «Ishki ister organdarynyń úzdigi» tósbelgileri, sondai-aq vedomstvolyq medaldar tabystaldy. Birqatar qyzmetkerge merziminen buryn arnaiy ataq berilip, gramotalar men alǵys hattar jáne baǵaly syilyqtar tapsyryldy.
Eń áserli sátterdiń biri – kópbalaly politsiia qyzmetkerlerine páter kiltteriniń tabystalýy boldy. Bul bastama jergilikti atqarýshy organdardyń qoldaýymen júzege asqan.
Politsiia departamentiniń bastyǵy Marat Tólebaev ardagerlerdiń erligi men búgingi qyzmetkerlerdiń eńbegin erekshe atap ótti.
Saltanatty jiyn kontserttik baǵdarlamaǵa ulasyp, soǵys jyldarynyń ánderi men patriottyq shyǵarmalar oryndaldy. Is-shara sońynda qatysýshylar Otan qorǵaýshylar men Uly Jeńis batyrlaryn eske alyp, gúl shoqtaryn qoidy.
